قصيدة ،،،،،،،،،، شكوة جنين الفئة ،،،،،،،،،،،،،. عامية كلمات ،،،،،،،،،. ناصر طاهر أحمد

سبحانه رب الكون قادر على

القدرة
فى ناس تشم ورود وناس تجيب
بودرة
وناس معاها المال وتشتهى
العيل
وناس معاها عيال والفقر
بيميل
وحقولها قصة ولد كان من زمان
شاعر
من قبل مايتولد قبل التاريخ
شاعر
والأب كان غلبان بيبيع زهور
الفل
ينزل ف كل ميدان ويبيع كلام
للكل
وادي أم شالت حملها لجنينها بين
الضلوع
خافت عليه فقرها خافت عليه
الجوع
راحت لكل الأطبة لجل الولد
مايكون
بس القدر كلمته بيقولها رب
الكون
ينزل جنين صرخته بتسمع
الناسيين
أن الإله نعمته حتى على
العاصيين
مولود بصرخة ندم على دنيا عاش
فيها
كان الحنان والدف والخير
يكفيها
دنيا مرح وبراح ولافى طبيب
وجراح
ولاناس حياتها ندم حتى على
الافراح
الطفل وبصرخته رافض كمان
زاده
شاف الطبيب علته وهو على
عناده
جاب الطبيب
مرضعة
وقال دي
متطوعة
مدت أيدين الخير قعدت
ومتربعة
ضمت على صدرها الطفل
بحنانها
وخد الرضيع رضعته واهو نام على
شالها
الناس تقول ياطبيب الطفل اي
شكوته
قال الطبيب ياناس الأم دي
كرهته
قال الطبيب كلمته للأم وسط
الناس
مبروك عليكى الولد طفل وجميل
حساس
 ناصر طاهر أحمد