دارى العيون#عامية.بقلم/إسماعيل مصطفى المحامى والشاعر
دارى عيونك
يا صبيه
كلام يزيد
وانتى هيه
عمالة تغمز
هالبنية
تقيد فى نار
وتزيد شويه
والكحل ساكن
ميه ميه
عامل عمايلو
كتير وفيا
وكلام كتير
تقوله ليا
انا قلبى عاشق
وانتى فيا
مرسومة الرسمه
اللى هيه
وعنيك سود
وحيرونى
خدونى بعيد
وتوهونى
جفون عيونك
غممونى
وف نن عينك
دلعونى
وسمعت منهم
آه ودغدغونى
أصل الكلام
كان عيونى
آه من عيونك
كتفونى
والدبلة فضه
ولبسونى
والبدلة سمره
وقلعونى
وستايرو بمبى
ونيمونى
وكلام كتير
من عيونى
دارى عيونك
يجرحونى
يزيدوا نارى
يولعونى
دارى عيونك
اللى هيه
لبسينى
كحل وجلابيه
وقميص منقرش
شركسيه
والورد كله
فيك عنيا
عاشق وعشقى
فيك صبيه
يا بت خفى
كتير عليا
قلم الخطوط
علم عليا
والقلب ناره
تزيد شويه
وخدودك الوردى
فى إيديا
واسقينى حبه
من الشفايف
شهد ومحبة
وسكر لافف
أشرب واتوه
فى جنان وشايف
بستان وفيه
ورد وقطايف
والشرب يحلى
كتير شفايف
دارى عيونك
عن عيونى
أحسن جنونى
يزيد جنونك
وتكونى عمرى
واعيش معارف
واشتاق واعيش
الشوق لطايف
دارى عيونك
حبه حبه
أحسن أعيش
الشوق محبه
ولهيب يزيد
والنار تقيد
والعشق فينا
كتير وليد
وأنا أصلى عاشق
فيك وحيد
عاشق وعشقى
كتير يزيد
دارى العيون
داريها
انا عشقى
ساكن فيها
دارى العيون# عامية .بقلمى/إسماعيل مصطفى موسى.المحامى والشاعر.بلبيس.شرقيه.مصر.
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة