عايش بقلم مصطفى سالم

طباعة ونشر وتوزيع ، ظهور إعلامي ، ورش أدبية

عايش متحمل ومكمل
والله ياقلبى انت غريب
ومقضى حياتك تتأمل
وبتنبض رغم التعزيب
والله ده طبعك حيرنى
والله ياقلبى انت عجيب
بتخلى آهاتك غنواتك
وبتجنى زهور م الاحزان
وتشد العزم بكلماتك
وتفيض بالنور والالوان
والله ده طبعك حيرنى
والله ياقلبى انت عجيب

اشترك بالعدد الجديد من مجلة القلم الورقية للتواصل والاستعلام / 0020102376153 واتساب

عايش محبوس جوه ضلوعى
ومتحكم فى كل حياتى
بالقاك ترتاح ويا دموعى
وتشوف الموت مع أناتى
والله ده طبعك حيرنى
والله ياقلبى انت عجيب
بتحب وماتحبش تكره
وتشوف بعينيك الكل جميل
وحياتك دى مجرد فكره
فى الليل قنديل ف التوهه دليل
والله ده طبعك حيرنى
والله ياقلبى انت عجيب
م  س