يا قلبى يا مهموم
مين كان عليه اللوم
لما الفراق يطرح
دمعة و قلة نوم
و الشمس تغدر بك
و اليوم يطول 100 يوم
البسمة تبقى هروب
يبقى الوجع مكتوب
هو انت لو هتتوب
هتبات صحيح مكلوم ؟
مليان شروخ و شقوق
دايق مرار الشوق
و مفيش لبكره شروق
و سماك ما فيها نجوم
تنسى ... فمبتنساش
راح الحبيب و لا جاش
ايام كدا بتتعاش
كل اللى فيها خصوم
روحك ملانة جروح
باب الوجع مفتوح
خايف منين ما تروح
دم الجروح بقى عوم
فاصبر و قول يارب
رحماك بهذا القلب
هو كدا .. من حب
بيعيش الم مقسوم
#فهمى_على
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة