أغنية
(أمانة عليكي)
أمانة عليكى
خبي عنيكي أحسن خايف م الليالي
أمانة عليكى
أبوس إيديكي القلب لسه خالي
إبعدي عني
متقربيش مني أحسن أخطف قلبك
مش عايز
آآسي وخايف ناسي يلوموني ف حبك
أمانة عليكي
كل اللى ليا أيام فضلالى
أمانة عليكي
خبي عنيكي أحسن خايف م الليالى
أديني بأقولهالك
خليكي في حالك وإبعدي عني
أحسن قلبي
يهرب مني ويرجع تاني يجنني
أنا لوحبيتك
مش ح أبعد عن بيتك طووول ليلي
ح أبقي آسيرك
ح يبقي القلب الأبيض بس دليلي
وأنا
مستحملش أتغرب جوه العيون طوالي
أمانة عليكى
خبي عنيكي أحسن خايف م الليالى
أمانة عليكي
القلب حزين وحزن القلب جبال
وحياة عنيكي
أنا مش ممكن أبدا أكون خيال
أنا قلبي
رقيق ماشي في طريق ميعرفش يحب
أمانة عليكي
أنا مليش غيره هو بس القلب
هو اللي
باقي واللي فاضل من أمالي
أمانة عليكي
خبي عنيكي أحسن خايف م الليالي
أمانة حبيبتى
أنا مش أد نظرة م العيون السود
قلبي ميقدرش
يعيش عمرك كله ف الغرام محسود
أخر ماعنده
هما شوية أيام وشهور على قده
أمانة عليكي
متبنيليش قصر كبير من خيالي أهده
متصوريش ليا
الجنة وألقي النار بقيالي
أمانة عليكي
خبى عنيكي أحسن خايف م الليالي
كتبتها
وأنا عندي 18سنة
حربي علي
شاعرالسويس
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة