= مش مستحيل! / حسن رمضان الواعظ

جربنا ياما الفرقة كتير ........ تعالو نبقى ف يوم واحد
طب خدنا إيه من فرقتنا ........ غير ضعف لما بنتباعد
فرق تسد دى حفظناها ..... ومن ابتدائى عرفناها
لما العصا تكون وحديها .... جينا بسهولة كسرناها
بتخوِّنوا ف بعض وتجروا ..... على العدو وتقعوا ف حجْروا
وكل واحد يسبق أخوه ...... يؤمر وبتنفذوا أمروا
مايهمكوش غير مناصبكم ..... وبكرة تحاكمكو شعوبكم
أهم م الكل نظامكم ..... ناسيين في رب ويحاسبكم
لارب سابكم كده تايهين ..... ولا سُنِّـة الهــادى الأميـــن
فاكرينا نايمين لأ صاحيين ... مايغركوش الناس ساكتين
واوربا رغم لغات وشتات .... العملة واحدة بتخدمها
دحنا لغة وكتاب واحد .... والقبلة واحدة مانتساند
يلا بقى والإيد ف الإيد .... نصبح حديد ربنا شاهد
أعداءكوا قالوا مستحيل ..... تتجمعوا وفيه ألف دليل
 شفتوا العرب بعد الإسلام .... اتجمعوا وانقشع الليل !