عاجبك كده ؟
بقى يجرى منك كل ده ؟
فيه أم تظلم إبنها ؟ فين قلبها ؟
وتكون عليه متشدده ،،، ومنكده؟
عاجبك كده ؟
يا أمى ليه تاخدى الفرس من تحتى
دانا أعظم حرس ،،،،،، وسمحتى
يلجمنى الخرس ،،،،،، وصبحتى
ليه متردده ؟
عاجبك كده ؟
ليه مصممه يا أمى إنك تخسرينى
ليه تحسرينى ؟
وانا اللى همى افرحك ،، واريحك
وانتى اللى همك تتعبينى وتكسرينى
ليه تشمتى فينا العدا ؟
عاجبك كده ؟
انا اللى كان خدى مداس ،، وداس
على سواد الليالى ،،،
وعدى بيكى من سور ،، وسور
فاكره العبور ،،، انا اللى كان واقف جسور ،،، ولا النسور ،،،
صبحت خايف من خيالى
وكل ده بتعمليه متعمده ! ! !
عاجبك كده ؟
م س
قادح زناد الحروف للنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة