((عنتر أيو العناتير))
شاب صغير حالته تحير
عايز يعمل نفسه كبير
يعمل حركات مع شقلباظات
قال يعني السوبر مان بيطير
يعمل مارشيلو يحارب ظله
عمل فيها ضفدع أصله أمير
قرد إتحنتر عامل عنتر
قوللي أمارة يابو العناتير
ليه بتستحمر يابو خد أحمر
ياأحمر من أحمرها حمير
عامل فاهم في المحهول لك
غلبنا نفهم فيه ونقول لك
محناش دق ياواد عصافير
تعمل قرد وتاكل موز
تترقص زي الأراجوز
قابلنا كتير زيك فرافير
طرطأ ودنك عينك فنجل
لو تتحنجل أو تتدنجل
تلقى الدب وقع في البير
إلزق وشك قوي في مراية
وشوف هتشوف إيه غير سلاية
لناس شايفينك غض غرير
كله سكوت كله سمع هس
كلامنا رصاص بس إللي يحس
والموهوم إنه بقى كبير
بقلم طارق السيد
قادح زناد الحروف للنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة