جمعة عبدالجواد 7 س لو كان عندى العلم زمان ،،،،،،،،،،،،،،،،،،،،،،،،،،،،،،،،،،،،،،،،

لو كان عندى العلم زمان 

 لبقيت أبدع ممّا كان

كنت نشأت فى طاعة الله
 صمّيت وحفظت القرآن

كنت ذاكرت فضلت أذاكر
 كنت وصلت لأعلى عنان

شوفتو جليس سيدنا سليمان
 لمّا بعلمه سبق الجان

كنت أراعى الأكل الصحى
 وكمان اظبّط فى الأوزان

كنت راعيت صحيانى ونومى
 ولا كنتش أفضل سهران

كنت لعبت مارست رياضة
 واصبح فارس م الفرسان

كنت م اصاحب غير المؤمن
 ومشيت مع أتقى الخِلاّن

م انطق إلاّ بأطيب كلمة
 ولا اقول غيبة ولابُهتان

حجّيت وأنا ف عز شبابى
 وما كنتش أصبح حيران

وابقى كأنّ الله يرانى
 واوصل لمقام الإحسان

كنت أخاصم كل ذنوبى
 وابقى ملازم للحنّان

والفجر مكنتش راح افوته
 وابقى فى ذمة الرحمن

كنت زمانى عايش فى سعادة
 كنت زمانى عايش فى أمان

لو كان عندى العلم زمان
 لبقيت أبدع ممّا كان

جمعة عبدالجواد
٢٠١٧/٥/٩