= بعد السلام والتحية ......... أمدح نبينا الزين
= هبدأ كلام م البداية .... ونصيحة للحاضرين
= الشعر أصله فن ............ عمره ما يبقى كلام
= الشعراء دول م البدايه ف الأصل ناس عاشقين
= فيه ناس بتعشق وطن. . وناس عشقها للطين
= لا يوم شافوا الراحة ......ولا اتهنوا يوم بمنام
= كل على ليلاه . بيبكي يا ولداه .وقلبه حزين
= فيه ناس شرابها العنب ... وناس شرابها أنين
= وإلي ينول المجد ............. لابد يبقى همام
= فيه ناس بتوصف آلم. ووجع .وفراق وحنين
= وناس بتكتب دلع .... بالحرف مش حاسين
= كله حشو ف حشو ....... كله كلام ف كلام
= الشعر حزن وفرح .. ... وورود كما الرياحين
= كلمة بتجرح جرح .... وكلمة كما الياسمين
= الشعر نبض فؤاد .. ...........والنبض له إلهام
= غواص بحار الشعر ........ بحار بقالي سنين
= فارس سجال الشعر ... عربي ما كنت هجين
= يكفيني قولت مصري.... ودي ليا أعلى وسام
= اسمع نصيحتي يا خويا ..وخد مني كلمتين
= لا تعمل أبو العريف . ولا تعمل ابو التفانين
= خلي الكتاب صاحبك ...... وف يوم من الأيام
= تفك رموز الحرف . ......... وتقهر الشياطين
= تصبح سفين الحرف ...... وتعجب الملايين
*****************************
( تمت بحمد الله وتوفيقه )
مساء الأثنين 8/5/2017
مساء الأثنين 8/5/2017
مع آرق أمنياتي / الشاعر Magdg EZZat
الشهير / مجدي الشاعر
الشهير / مجدي الشاعر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة