🎩🎩🎩. ساحر الصبايا 👸👱👰👯👸 = ماجد شكرى الساحر = #دعبسيات_ابراهيم_دعبس_الساحر

ليه تظن روحها ملكة 

و انها للمهجة ملكة
لو بجد هيه سلكة
 تلقي سكة وتلاقيني

وفتحة للهوي شباك 

وترمي للقلوب شباك
وقلبي ف اللقا شباك
 والحبيب افديه بعيني

مهما تقسي أو تعادي 

قلبي شاري برضو عادي
ياما كانو زمان أعادي
 والنهاردة احباب يا عيني

هيه فاكرة إني خام 

ولا قلبي ده رخام
دنا ابيع الحب خام
 حصري جوة دكاكيني

دا السما عاشقة لنجمي 

والهوي والسحر اسمي
لو تفكي يوم طلاسمي
 يومها ممكن تهزميني

يعني جاية تلاعبي مين 

او تروحي جنبي فين
انتي لو شاطرة قيراطين
 قومي عدي فداديني