جايز في يوم فهمي علي

جايز ف يوم من غير كلام
الاقيك معايا و ابتسم
الدنيا تضحك ليا انا
و الفرحة وياك تتقسم
و كمان يجوز عمري اللي فات
ينده يقول راجع... هاعود
تملي الجداول ميته
و يعدي و يدوس الحدود
أغرق ف موج طيب اوي
عرف ان قلبي ف جرح عاش
لما اللي كان كل المني
سافر و غاب ناسي ماجاش
و انا كنت بابني في حلمنا
ف مكان لقانا و عشت فيه
كل الكلام خليته كون
مستني نظرة من عنيه
جايز كمان كل الخيال
يهرب و اعيش مع دمعتي
تسهر نجوم بعد النجوم
بتحس شوقي و لوعتي
او قد يكون الكون حنون
سامع كلامي ٠٠٠ يحققه
و ايديه تطبطب ع الجراح
يقرا اللي راح و يصدقه
#فهمي_علي