مغلول أنا منك
وأنا مش بعيد عنك
دا إنتى لو طالبة النجوم
ما أعزهم عنك
أو حتتين م الخيال
يبقوا أوام عندك
مغلول من دا البعاد
اللى انتي ظالمانى بيه
إديني حسن الوداد
أو حتى شاورى عليه
ح تلاقى مني السعادة
وإللى إنتى نفسك فيه
مغلول وأنا حجم غلّى
ما يتوصف فى الكتاب
لو جابوا مليون مسامح
أو حتى لاموا العتاب
دا أنا عندي ح يزيد شوية
دا أنا قلبى م البعد داب
مغلول دانا عندي فايض
و همي سايب جراح
وإن قلت أو حتى أخبي
الجاى مش قد إللى راح
وإن سيبت حبة لبكرة
مش رح يكفى السماح
مغلول وإن جيت تعاتب
أو حتى طالب رضا
ما اعرفش إيه المقدر
من غير كلام أو ندا
ما تيجى ننسى إللى فاتنا
ويبقى الجديد إبتدا
*•••••*•••••*•••••*•••••*•••••*
مول مصر فى 16/3/2020
مقطوعة شعرية : مغلول أنا منك
تأليفي : هشام إبراهيم على
الشهير : هشام على
*•••••*•••••*•••••*•••••*•••••*
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة