خدي بتارك
خدي بتارك وهديني
ياله بنارك كده اكويني
ما عدتش قادر أنا أصرخ
ما جف الدمع من عيني
وحيعمل ايه البكا ليا
وصرخة مجروحة بأنيني
دنيتي كده وقاسية
تبات طول عمرها ناسية
تنام الليل وانا سهران
وما نديم يواسيني
أنا مجروح ومستسلم
ياله تعالي خدي بتارك
لا يهمك انين قلبي
تعالي بردي نارك
هدمي جدار قلبي
هدمت قبلها جدارك
اردمي بحار حبي
ردمت قبلها بحارك
اخنقي نهار القلب
ردي الشمس لنهارك
صحيح الدنيا دوارة
دلوقتي فهمت يا خسارة
يحيى حسين 19 مارس 2020
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة