بقلم محمد عباس
الاسماعيلية مصر
لاخالص مش دى حبيبه
والا دى بنتى اعز قريبة
شحنوها ضدى وقالوا غريبة
ولافى حرام ولافى عيبه
لما اعيش فى دنيا عجيبه
بنتى ضنايا اشوفها مريضة
بعدماكانت بطلة شديدة
كاراتيه سباحه ونجمة فريدة
حرمونى من بنتى وحيدة
ليلى نهاري دعوة وريبة
كل ثانية هتولى حبيبه
ذنبها ايه الطيبة وليدة
عايش وحدى وفرحة شهيدة
عزلة وخنقه وبقى تعويدة
لاانا عارف احضر تعويذة
ولااصرف عنى التبويزة
بنتى وكل حاجة فى الدنيا
قالت كلام هزني من جوا
مين يا بابا هيجهزنى
مين حبيبي وهو عايزنى
نفسي اكبر وتجوز نى
نفسي تفرح لما تشوفني
قولى يابابا انت وحشنى
غصب عنى ماما بتوحشنى
انا مقدرشى اسيب يوم ماما
وانت يابابا برضه بتوحشنى
اه من طمع النفوس
اه من جشع الفلوس
ولادنا عليهم بندوس
الله اكبر حلم كابوس
حسبنا الله القدير
الضياع اصبح مصير
ذنب اقبح من ضمير
الجناة ازر ونصير
بقلم محمد عباس
الاسماعيلية مصر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة