طباعة ونشر وتوزيع ، ظهور إعلامي ، ورش أدبية
—————-
عيون بتتكلم ..
تحكي لك وبتسلِم..
وفِي كلامها حوار..
وعيون بتوصف شوقها
لما تتألم..
وتبلغ الأخبار..
وعيون تنادي عليك
تبعت لك المراسيل
كلامها زي الأشعار..
وعيون كلامها مَلاَم
تحدف لك السلام
وسلامها أجمل الأزهار..
وعيون بتضحك لك
ترسم لك الدنيا
كلها أسرار..
وعيون حزينة بتتألم
تصمت ومين يفهم
وبصمتها تحتار..
وعيون قاسية وقوية
نظراتها حادة وصلبة
كما الأحجار..
وعيون ماليها الحنان
اشترك بالعدد الجديد من مجلة القلم الورقية
للتواصل والاستعلام / 0020102376153 واتساب
والدفا والإطمئنان
ما تعرف الأعذار..
وعيون جريئة نظراتها
حريقة بتترسم عَل الخلق
يا ويلنا م الإعصار..
وعيون حبيبة شقيِّة
بتطلب الملاغيَّة
وفِي عشقها استعمار..
وعيون سهارى حيارى
نهارها ليل وليلها نهار
وتناجي في الأسحار ..
وعيون عارفة هدفها
عليك تنشِّن ..
وتُنصُب شِباكها
صيَّادة و بتختار..
وعيون قاموسها طلاسم
ومعانيها ما تتفسَر
غامضة وغموضها
فيه العقول تحتار.
بقلمي:سلوى صبح.
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة