ريفي عراقي
أبو ذية
فاض كٓللبي بالمحنة وهم بيك
عطش كل أهل الهوى وهم بيك
لو هذا العشكٓك ليك لو وهم بيك
تردني شلون وكل هذا الشوكٓك بيه
محطة المحبوب
قطار العشكٓك حدرته من صوبي
حملته الهوى والمحطة محبوبي
قطاري لو تعده كون محطة عنده
باليني العشكٓك وأنت مطلوبي
يامحبوبي
دارمي
صار سنين إلي سبة وأداري بيك
شايلك وبكٓللبي لهفة وداير بيك
محطة المحبوب
تدري بالعشكٓك ماينمل لو ساعة
مثل ماتهمه نفسه نريده كل ساعة
تدري بالعشكٓك أهل المحبة سناع
باليهم هوى أم عيون الوساع
والقطار الي تعده كون محطة عنده
امليهم عشكٓك ورده كل نوبة
دارمي
بعدك يم هلك ومحضرلي دلالك
رن فنجاني بمضيفهم كون محضر دلالك
محطة المحبوب
حالف اسكٓيك العشكٓك بيدي حالف
أفتح بيبان كٓللبك ماتفيد السوالف
هاي سمة أهل الهوى بس لاتخالف
خايف لاتضل خايف حبك دارج بالمضايف
ومرسالي لاترده كٓوم وشوف رده
كل هذا العشكٓك محمله من صوبي
رضا الحميدي....
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة