ليه بس تعطل المراكب السايرة
دنيتنا بعيسى ومحمد نايرة
ليه بس تعيب
ليه بس تدخل دايرة
اخرها فرقة وتعذيب
طول عمرنا عمر واحد
مدنة مع صليب
مالك ومالك رسول الإنسانية
ليه تهد البنية
إللى فيها الحمام بيترنم
مرة يغنى لنبينا
ومرة يغنى لمريم
رسولنا أمرنا الدين لله
ملتك انت ايه هيا
وطنا سايعنا واوينا
شوفلك وطن تعيش جواه
وحدانى غريب
لو حتعيب مضطر اعيب
لو انت مين
بس نفسى ع المعصية مش قادرة
ومانعى خوفى من رب العالمين
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة