الطف يالطيف
بولبيف بولبيف
الطف يالطيف
جوه الدواوين
نقرء تخاريف
في شاب ظريف
عامل حرييف
ولا يقدر علي
فن التصريف
ولا يقدر علي
فن التصنيف
ويدوب تستيف
علي نهج مخيف
الفن ياناس له
معني نظيف
ومهوش لفاليف
بكلام روزبيف
وكل المقصود
بولبيف بولبيف
وفي ليل ونهار
غاوي الاشهار
وكأنه جحا
بتأجير مسمار
منشار اشعار
فجأة المذكور
يصبح مشهور
علشان بيذن ذن
الدبور
علشان بيلف
كمان ويدور
في المجتمعات
يوهب نفحات
مع ان الابعد
كان شحات
معلوم هلفوت
باع المحصول
وبشوق مسرور
يتغندر اوي
قال ايه غندور
وبجهله ياناس
دايما مبهور
فرش الدعايات
باللغاريتمات
وبجهله يعلم
ناس حكايات
ده مفيش انجاز
من غير استاذ
دايما كبريت
ومجاور جاز
القاب القاب
عناوين ابواب
والعلم ازاي
حيعيش في
سراب
ونسيمنا يجي
بتخاطيف
ماجور مبهور
عامل شاعر
وكلامه مفيهش
حرف نظيف
بولبيف بوليف
الطف يالطيف
جوه الدواوين
نقرء تخاريف
وهاتها جمايل يارب
شاعر الحارة المصرية
صلاح سليمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة