==========
يلا نحكى مع بعضنا ....ف شمس نهار راشش
نسايمه على قلبنا ......ونقول اشعار تفضل عايشه
مهما كانت الأحلام........وننشر على أنغامها
حب الأهل والأوطان .....ونتحدى عيون حاسده راسمه الفرقه ع الإنسان.....أصل حبيبتى
نور بيشع كنوز.....يميزها الجلابيه عليها
العمه والقفطان
نفسى ألملم قلوبكم وأزرع فيها الإيمان
وصوت منابرنا يعلا يوصل للرحمن
صورتها ف كل مكان...
نسر يلم صقور الأمه يصنع قمه تبقى جبال
وتد لاينهد ولاينزل ولاينزال
وهمك همى اشكى وتاخد وترمى فى همى
وأزرع قلبى ف قلبك وقلبك فينا يكبر
ونترحم على امواتنا أللى انونا
وسط وحوش ودم سايل
وصرخه مداريه ف وجع وشباب محتار
يحلم يعيش الفرحه تطرح امل
بعد ما تاهت من أيامهم
والشوك خضر ف خطاويهم
ينزف دم ف كل مكان اوعى تكون
متعشم تبدل الجلابيه والعمه ببدله
مهمه وبنطلون مقطع وتسريحه جنان
وينسى لغه القرأن ويدندن لغتك
دى أوهام عشم ابليس فى الجنه
ده كل مناسبه تمر هاتفكره
بجذوره ودينه
ومهما نسى وقسى هايرجع يحن
ما هو فرعون مصنوع من فالصوا
يبرق بس العميان
وتاريخنا بيحكى ويتحاكى
بقصص وعبر للأجيال
أرجع لأصلك لأمك اللى
انت مخلوق منها
وأنك لون طينتها
وراح ترجع من تانى ليها
سلام مؤقت في الحلقه القادمه
من كلام من القلب للقلب
بقلمى/سميه نور الدين محمد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة