********
اللسان مش بينطق كلام
دا اللسان بيرمى سهام
هوا أوحش مافى الإنسان
مخلى وجوده كله خصام
حذرنا منه النبى العدنان
شوف عنه أيه قال
بسببه كتير من أمتى بالنار
قالوا زمان ف الأمثال
دا اللسان أصله حصان
أن صنته لك صان
وأن هنته لك هان
ربك رب قلوب
القلب آسية وحنية
ربك بيحاسبك بالنية
البشر له الظاهر
فى سوء النية ماهر
مع أن القلب طاهر
منعرفش الظالم م المظلوم
عشان كدا زادت الهموم
ربنا كدا خلقنا
محدش م الغلط معصوم
بس مانمشيش فيه علطول
دا أحنا أهل العقول
شوفوا حالنا وصل لأيه
دقت للحروب الطبول
عشان فلان بس بيقول
ضاع من بنا الأمان
عشان حتة لسان
بص كدا لوجودنا
تلافيه دخان وعدوان
يلا نشد الرحال
نبقا فدوة ومثال
نهزم اللسان والشيطان
نحضن بين ضلوعنا الإيمان
**********
بقلم
عادل جاد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة