************
ننزل ونطلع
الهم بالقلب بيطبع
نشرق ونغرب
من العذاب أكتر بنقرب
نصحى ونام
بتزيد ألألام
بكل شهيق وزفير
الوجع وفير
نتقلب شمال ويمين
والله القلب حزين
معقول مفيش تفسير
القلب هيفضل للهم أسير
هيفضل كدا حالنا
والا هنصحى نلاقى تغيير
دا القلب هيعيش بالهم عليل
عندى لكدا دليل ودليل
خلاص أختل الميزان
الكلمة للنسوان
لبسهم شبه عريان
ماتت النخوة ف الرجال
مبتحترمهموش العيال
الأسم أمة أسلام
قدوتنا الغرب ياجدعان
بنقلدهم ف الخيبة كمان
كترت بوجودنا المساجد
قليل اللي فيها ساجد
حتى القدوة والأمام
بيجرى ورا المال
بص على وسائل الأعلام
تلاقيهم تجار كلام
أساؤا فى الأفعال
القرآن بيشتكى مهجور
بالكلام بنحب الرسول
والعمل بقول مهمول
البشر بيلف ويدور
حاله بالدنيا مغرور
فكره له هتدوم
بيبنى ويعلى ف القصور
نسى أخرته سكن القبور
**********
بقلم
عادل جاد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة