تعال نسولف بسكته
بهيده ونلاعب النسمه
تعال ندندن الغنوه
شحلات الصفنه بعيونك
رمشك شحلو همسه
اريد الغزل يختال صمتك
واسولفلك بكل شي احسه
جلمة أحبك حيل طوله
لحن للروح ينعشه
يطربه بتوالي الليل يونسه
يا نبض بيه القلب مرتاح
كف همومه من حسه
اريد مكابلك كل حين
يا البيك الحسن آيات
سبحان الذي سواك
تعال ونرجع لهناك
لهذاك الزمان الجان وتعده
نشبك ايد بأيد
من برد الله ادفه
يا إلبيك الوفه مامات
انا وياك والستين
تعت بيه وعت السنين
ابد ما تغيرنه
تريد اتعاتب عله الي راح
مات وبيدك دفنته
يا البيدك الجرح يبرى
من اشوفك شما بيه من غضب يطفي
يا كمره بضلام الليل
يا نسمه بشمس تموز
تعال نسولف بسكوت
تعال نعيش الحضه
ظلام الليل يغطينيه
اخف الوادم يحسدونه
يا البيك الحنظل رمان
يا جوري وعطر ريحان
كبرنا حيل وعجزينه
وكبر حبنه وما جزينه
كبر عشنه والله كرمنه
الحمد لله بيهم سعدنه
تعالي نسولف بسكته........وعد العاني....
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة