صبحت جدو
صبحت جدو ياشاعر
وشيبوك اﻻوﻻد
العزوه تجلب مشاعر
والعبرة بالوداد
خطيت قوافي وبحور
وكشفت عن المستور
ورسمت بيوت وقصور
دلوقت عليك الدور
تتسند علي المشاعر
صاحبت ليالي ونجوم
وقمر ممنوع من اللوم
ونهار يقعد ويقوم
بدموع محروم مهاجر
محسبتش في اﻻيام
وﻻ قولت ازاي وبكام
فاكر للشمس دوام
ويجي ليل وبقدرة
قادر
صبحت جدو ياشاعر
وشيبوك اﻻحفاد
لساك في شعرك واعر
ولا ده حسن الوداد
تحياتي لكم جميعا
وهاتها جمايل بااااارب
شاعر الحارة المصرية
صلاح سليمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة