كله هايص في الهجايص
انشغلنا واتشغلنا
والكلام هو حالنا
انجاز كبير ياعمنا
انك بتشغل طفلنا
تسرح بدماغه ... بعيد عننا
والله تشكر ياذوق
بيعتنا حلم وسراب
عيشتنا باصعب خراب
عباقره وتاهوا في السكه مننا
كام طفل عايش بغبغان
عايش بيردد كلام
حافظ ومش فاهم
في حوار معدش يهمنا
التفاهة صبحت زماره تلمنا
معازيم كتار من غير فرح
والعقل ويا الفون سرح
والعند . ..نبت وطرح
ودماغ ياعيني بقيت زلط
مش عارفه صح من غلط
البركه فيك ياعمنا
الاهل تعبوا من المناهده
والدماغ ....اتبرمجت
علي المعانده.....والغلط
وكله هايص في الهجايص
البركه فيك ياعمنا
بقلمي 
شيرين ابوعميرة 
شيرين ابوعميرة وعجبي
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة