منتخبنا عبَّر عنّا
وعن بلدنا وقوتها
مش بيلعبوا لعب عادي
دول ولادها وعزوتها
جوه الملعب تشوف أسود
بيفرَّحوا كل الموجود
يحققوا لنا كل الوعود
ناويين يزيدوا فرحتها
............
في الملعب بيطمنوا قلبك
وبنبقى واثقين م الفوز
لعيبة بتزوّد حبك
لبلدنا قوة ونفوذ
ولا واحد منهم بيقصّر
علشان مش رايح يتمنظر
لمشاعر الجمهور بيقدر
حاسس وكأنه قاعد جمبك
.............
عملوها حقيقي الرجالة
و أدونا ف حب بلدنا دروس
بشجاعة لعبوا وبسالة
والنصر بقى شئ ملموس
واتعودنا على البطولات
ولمصرنا هانعلِّي رايات
يحكوا عنها ف الحكايات
تبقى حقيقة وشئ محسوس
*******
بقلم الشاعر /رمضان عبدالله أحمد
٢٠٢٢/٢/٤
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة