حكايات الخاطبه
مفتتح
قالوا النهار له عينين
والبنت لها رزقين
امبارح عدي ماهدي
اسطبحنا بوش مين
انا الخاطبه
يوماتي اخطي علي
العتبة
واجمع بين راسين ف
حلال
اشوف الأصل والنية
وبيا الحاله مقضيه
ده حلم الشاب صبية
وحلم البنت شبكه ومهر
في ليل جايه وعز الضهر
مرادي حلال وطيب الطهر
ورزقي مهوش بلفة زهر
رزقي هدية من الاحباب
معايا صور بنات وشباب
كمان ستات ورجال اغراب
بطرقة باب الم الشمل
ويبقم بالحلال احباب
تخاف البنت ميل البخت
تقوللي القطر عداني
ولما عدلها يجي بيخت
تقوللي اشوف عريس تاني
ماكنتي في قهر محبوسة
ووكله وداني ياسوسه
بتختاري ياموكوسة
وانا بدلل عليكي ماارتحت
يعيش الشاب عيشة تغم
ولا عزوة ولا آب ولا أم
ويقصدني لحياته الم
اقول حاضر علي عيني
اشوف له عروسة سلالة
صون
تنور في ضلام الكون ولا
مكياج ولا سيليكون
نسب علي مال علي انوثة
الاقي البيه بيتغيير
عايز له كام سنه يفكر
وبيارمز ويتغندر
يامية واكسة ومية حوسه
قالوا النهار له عينين
والبنت لها رزقين
امبارح عدي ماهدي
اسطبحنا بوش مين
انا الخاطبه العرسان فين
وهاتها جمايل يارب
شاعر الحارة المصرية
صلاح سليمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة