كل يوم بيعدي عليا بقول يااه كان نفسي يكون عندي الوعي دا من زمان ودي أكتر الحاجات اللي الحياة علمتهالي وخدت مني طاقة ومجهود كبير جدا عشان أوصل للنقطة دي ....
_ أحب نفسي مش بس كدا ...اتعلمت ازاي أعرف أحميها من نفسي ومن الناس ...
_ اتعلمت أتصالح جدا مع الوجع واعرف وأدرك أنه نصيبي ولازم آخده
_ اتعودت وبرمجت عقلي بطرق ابتكرتها والحمد لله نفعت وفادت ناس كتير إن مهما كانت الجمل اللي بسمعها قاسية وتقيلة هعرف ألاقي فيها الجانب اللي يقويني ويدعمني ...
_ اتعلمت أن لما حد يمشي ازعل .. بس مش أكتر من خمس دقائق ...لأن الناس كتير والوقت قليل أوي أوي ..والعمر بيجري ...
_ اتعلمت ان الإنسان يشقي لسعيه وراء ما لايملك وعدم رضاه بما يملك ......
_ عرفت أن الخير اللي بنعمله بتلاقي أضعافه بس مش من نفس الناس .....
_ برمجت عقلي إمتى لازم أفكر ...وإمتى المفروض بس أحب .أحب بس ....
_ عرفت أن أعظم تجارة في العالم هى تجارتك مع ربنا أولا ....و ابتسامتك ومعاملتك الطيبة للناس وانت مش منتظر مقابل ...
_ عرفت أن الناس اللي بتأذيك هما اللي بيحبوك بس في الغالب وبكل أسف من غير قصد ....هما بيحبوك بس بطريقتهم ....
اتعلمت ان اللي قصادك حتى لو كان صحبك هو امته عاوز منك وامته انت اللي عاوز منه
بس مهما اتعلمت مقدرش ازعل حد منى حتى لو كانت هى اللي مزعلانى
اخلص نيتى لله في كل شيء حوليه والباقي عند ربنا
مش لازم اكون بحب حاجه يكون حبيبك اوحبيبتك او القريبين منك هما كمان بيحبوها
لكل شخص فينا له لغة حب مختلفه عن الاخر
الشاطرة او الشاطر هو اللي يبقى عارف اللي قصاده بيحب يتحب اذاى
مش يخليه يحبه زى ماهو بيحب
نسيت اقول واشكر
كل اللي كان بينتقدنى وكان سبب يوما ما لحزنى وانكساري
لانهم بفضلهم الجميل دة
د.شيرين الحسينى
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة