مابين الحلو والمر
خيوط العمر بتمر
وبقينا عرايس بخيوط
وأيام بتعدي وتفوت
ونلم فيها بايادينا
كل حلو مر علينا
فتافيت سكر محتاجه تتلم
اتدوب في حياتنا وتاخد الهم
سفينة صبر وملهاش مرسى
والمر ... يهجرنا وينسى
في جزيره بعيده ومعزوله
يلاقي لمراره مصحه
والفرح يخرج من الانعاش
والدنيا تحلو وتتعاش
تهدي لقلوبنا الفرحه
من بير الصبر راح نشرب
مسك وعنبر شهد مكرر
علشان بالخير استبشرنا
وعلي الله رمينا حمولنا
وعجبي 
بقلمي 
شيرين
بقلمي شيرين
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة