.jpg)
صرخة ألم بوجه الجوع
صرخة والدمع بعيونه شافي
لاتهاجر قلبي موجوع
الحزن علينا لافي
عايش بالنكد والذل
همومي ياعالم كثرانة
من هالوطن بدي فل
حياتي ديون مليانة
علي جار الكل
من البائع للدكانة
يابافل يابحل
في قدسي صمودي مش كافي
أرض الوطن صارت بور
الخاين فيها والسارق
ماتنفع نركب موج بحور
المركب من حسدهم غارق
بهذا الليل الديجور
الموت صار مش فارق
وطعنة بهاالقلب المهجور
اللاجئ عل موجة طافي
دمعة بعين الطفل المخنوق
قتلوا أمه وخواته
حزن اللي ساكن قلبه مشبوك
أهله بالبحر ماتوا
كيف بده يروق
يطفي نار الجواته؟
يدعي ع الظالم يذوق
والحاكم يللي غافي
دعوه للنفير
لبسوه ثوب الإرهاب
خربطوا معاه كثير
الوطن سلعة لعصابة من الكلاب
وين المحبة وين الضمير
بدر القدس غاب
مهما زادوا في التهجير
يبقوا عن القدس أغراب
الحكم للطراطير
والحياة صارت معهم عذاب
وصلونا قاع البير
وهالوا علينا تراب
اقسم بالله القدير
لنعود للقدس أسراب أسراب
مهما اشتد الزمهرير
للقدس نفتح أبواب
وحدك ياربي النصير
وينك ياإبن الخطاب؟
بدهم نتهجر تهجير
والقضية تصبح سراب
هذا البينيت في السياسة غرير
جاهل قاتل كذاب
ثورة ثورة ياجماهير عزم الشعب هو غلاب
كدروا عيشتنا تكدير
خونة من العرب أذناب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة