انتوا ليه بتدمرونا
وبإيدكوا.. بتقتلونا
فين ضميركم
وللا دينكم
لجل مره تحسوا بينا
وللا مره ترحمونا
دا اللى مات
كان اسمه مينا
من بلدنا نور عينينا
واللى جنبه حس بينا
لما كنا جنود ف سينا
وانتوا دايما بتخونونا
انتوا فاكرين ترهبونا
بالقنابل والسلاح
وللا لما يموت اخونا
مش هيبقى فيه كفاح
غصب عنكم مصر باقيه
وانتوا بكره هتسبونا
مصر لينا نور عينينا
والتراب غالى علينا
واللى عاش العمر فيها
واللى ضحى يوم ف سينا
ناوى ياخد تار ولادها
من كلاب بيخوفونا
شمس بكره جايه جايه
وف ايديها اجمل هديه
للى دافع عن بلاده
واللى شال ف عينيه بهيه
كلنا من أصل واحد
واللى مات كان لينا أخونا
تحيامصر.... ومصر تحيا
وألف رحمه عليك يا أخونا
بقلمـــــــى
الشاعرة
الشاعرة د. جيهان الطنطاوى،
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة