عارف يعني إيه تمشي وتسيبني
وانت اللي كنت بتقول حاببني
وتقابلني وتشوف عنيا وتعمل نفسك
سرحان وشارد و مش شايفني
وأنا اللي كنت طول عمري بحبك
واجري عليك وابتسملك واتمني ودك
عارف يعني إيه أسهر ليلاتي عشان أشوفك.
بس أشوفك واستني صوتك واطمن عليك
أشم ريحتك. أبوس في اسمك
و اطرب بنبضك وأشوف عنيك
ويكون نفسي كمان ياروحي ألمس ايديك.
حب إيه ؟!
.. يعني روح بتلاقي روح...
يعني كلمة تداوي جرح
يعني صوت مكتوم وآاااااه
يقابله حبه بهدوء وفرح
يعني قلب ينبض لقلب
يعني فيه اهتمام ورد.
يعني اهتمام بالمشاعر
مش هروب وسكوت وصد
يعني أشوف الدنيا فاضية
إلا منك. ياأغلي حب ..
شفت بقي. حب إيه
اللي أنا جاي أقول عليه ..!!
................................
أنور محجوب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة