اجمل مافيكي يا حِلوة انِّك
سايقة الدلال وده ليه لأَنِّك
عارفة جمالك ما وصفشي
كل البنات بيغيروا منك
الرمش فوق العين دبَّاح
اما الخُدود زي التِفاح
والوِسط لايِق على عودِك
العين تبص عليكي ترتاح
اجمل ما فيكي إنك عايقة
والضحكة جوه عينيكي رايقة
الله اكبر بسم الله
الكحلة في عيونك لايقة
الخطوة بتهز الدنيا
محسوبة دايماً بالثانية
ولما بتطلي عليَّا
النظرة منك حاجة تانية
واجمل ما فيكي إن كلامك
وبسمتك ويا سلامك
زي النسيم لما يعدي
طاير يسابق ايامك
اجمل ما فيكي كتير وكتير
مالوهش حصر مالوش تفسير
الوقت بيمر معاكي
نسمة هوا في الفضا بتطير
الوقت بيمر معاكي
نسمة. هوا في الفضا بتطير
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة