يا بحر ياللي السمك
مَيِّت على شطُوطك
هربان من الصيَّاد
وبيتقي حُوتك
حرام عليك يا بحر
تغدُر بِسُكَّانك
حَرَّمتهُم مَيِّتك
وحَرَمتهُم قُوتَك
يا بحر يا غدَّار
غرَّقت احبابك
جُولك سَوا زُوَّار
داقِّين على بابَك
غدرت بيهم لِيه ؟
وقلبت لِيه مُوجك
كِسِبت إيه من غرقهم ؟
ما تقوللي إيه نَابَك ؟
يا بَحر بَحَّر بِي
ودِّيني للمَحبُوب
خليه يكون قُربي
ده انا قلبي دايِب دوب
بَعَّدت ليِه يا بحر
بيني وما بينُه
زودت ليه القَهر ؟
نفِّذ بقَى المطلُوب
زوِدت ليه القهر ؟
نفذ بقَي المطلوب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة