****************
البشر عن الحق تاه
واخد هواه إله
بيشترى الدنيا
فاكر فيها الحياه
بيشتريها وهية تبيع
من هو لسة رضيع
ده واقع حوالينا
حتى فى سن الربيع
البشر بالدنيا مغرور
بيلف فيها ويدور
فاكر الحال ده هيدوم
حياته أكل ونوم
يبنى ويعلى القصور
آخرته سكن القبور
بنعم الله عليه كفور
أنه من الله مظلوم
مش راضى بالمقسوم
الطمع بدمه سموم
على آخرته مش غيور
فكره الخلود له علطول
اللى يتمناه بالدنيا ينول
للعمل للآخرته كسول
يالى انتم عاملين شطار
بالجنازة ضحك وهزار
الكل للقبر زار
بس مفيش عظة وإعتبار
دا الدنيا دار بوار
الدنيا إبتلاء وأختبار
حصاده جنة ونار
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة