***********
ماتيجي نهجر الواقع
ونسكن كوكب الأحلام
تعالي ننسى مآسينا
ويبقى بكرا بس غرام
وسحر عنيكِ ليل ونهار
أتوه فيهم وأقول أشعار
و أشواقنا ندوب فيها
ونسكن حتى جوا محار
ويطرح ع الخدود تفاح
وإن كان أصلهم ياسمين
ياورده لما اشوفها ارتاح
ونظرة فيها نار عاشقين
ياأجمل من بنات الحور
يا أسطورة يا نور العين
هنبقى ف التاريخ نبراس
وقصة حب في سطرين
وقالوا ف التاريخ أسماء
عن روميو وعن جولييت
وعن ليلي وعن عنتر مع عبلة
وآخرهم أسامينا أنا رديت
تعالي نروح على جزيرة
بلاش نبقى ف دي الحيرة
نعيش واقع ومش أحلام
ويرتاح قلبي من الغيرة
قوليلي ايه قوام ردك
بلاش الصمت أو صدك
انا ف حبك سهرت الليل
ونبضي كمان سكن نبضك
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة