انك تاخد وحدك القرار
انك تبقى كابوس ع الصدور
انك كداب بتلف وتدور
انك تبنى قصور
واحنا فى الشوارع
تحت الكبارى
ملقحين
مساطيل بس مش من
الشم والكيف
من الغلب والفقر
ازى اعيش جوه
بلدى ضيف
اموت من الحر فى الصيف
لاسكن ولامروحه
والخلق سكرانه
مطوحه
ناس فوق
وناس تحت
ناس مليارات
وناس ايه دولارات
فين الوعود
والصوره قادمك
ونص الخلق
خادمك
كابوس
وحلم كله رخامه
والناموس
فى الخلق
ينتش
والقرصه
يللاه السلامه
فاض بينا
وغرقة خلاص
السفينه
شاهد علينا
جرجس وعم
مينا
ما. هما عايشين
وسطينا
صح ياشيخ
عبدالودود
اصلى الرغيف
كنه
ناكلها
بدودة
وحطبه
وعوده
ونكتم الهزيمه
فى البطوان
ونبوس الفلوس اللى متصور
عليه جامع
احمد بن طولون
وفلوس دخلت غريبه
دولار
رائحته نتانه
مغمس بدم الغلابه
علشانه
القمح محجوز بالمينا
ياادى الكارثه
والربراب
والنياله
واعلام
فاسد ازى يوعى
ويناشد
طيب يمسكها
انسان راشد
يخاف
عليها
مايوزعشى
الارض
دى مش عذبه
ورثه
دا المفروض انت
حارسها
والرز والقطن فى اجازه
والقمح بالعافيه
يتسلم ع الحيازه
والنجوع والقرى
بعد الخير
هوسها
العوزه
والفاكهه جوفه
وموزه
وقطن من غير
لوزه
وحان الوقت حان
اصرخ بعلو
صوتى ف الميدان
اعلى بصوت الاذان
جرس كنسيه
يهز الوجدان
للحريه
عطشان
فين البسكوت
والشعب قايد
زى الشمعدان
اصحى فوق
غضب
الجوع
كافر
هيضرب
بالنبوت
والجبان
ياخد ترليون
شلوت
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة