.jpg)
الغربة مش غربة وطن
الغربة ليها ألف لون
ممكن تصيبك بالهوس
ممكن تصيبك بالجنون
مليون طريقة تحسسك
انك غريب ....
غربة مشاعر جوه أحضان الحبيب
غربة وشوش ....
عايشة معاك ما فهمتهاش
بتبص ليها ..
تحس انك شوفتها ماعرفتهاش
غربة حنان ...
لأي شيئ بيشدنا لنفس المكان
غربتنا مش متحددة
بأرض و زمان ....
غربتنا لو في حدود و أرض نحلها
في يوم ما نرجع م السفر
غربتنا دي من نوع جديد ...
و كأنه ذنب ما يغتفر ...
الغربة إحساس مش مكان
مش كلمة تتقال باللسان
ومهما أقول ....
ما يكفي ابدا وصفها
..طول الزمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة