السلام عليكم ورحمة الله وبركاته
احبائى الكرام اهلا ومرحبا بكم
يعنى بيوت مكشوفة النهاردة اتكلم بالعامية علشان الموضوع يخص كلنا ليه اليوم أصبحت بيوتنا مكشوفة يعنى زمان كان دائما البيوت ليها حرمة وكرامة يعنى غرفة الضيوف يكون الباب مقفول طول مافيه ضيف فى البيت لكن الوقت الناس بتصور من المطبخ وغرفة النوم علشان كسب المال أصبحت البيوت مكشوفة على الإنترنت مثلا امهاتنا كنت عيب لما تقابل حد والاب ماشى موجود يرد عليه الابن الاكبر اتربنا على كده لكن الوقت تظهر ست البيت بتطبخ او بتنضف والكل يشوفها اللى بيحصل كل يوم انهيار لقيم واخلاق ودين اتربنا عليهم وبعد كده بيحصل فى المجتمع أبشع الجرائم ليه الاسرة انهارت والأخلاق الفاضلة والقيم الإنسانية والاجتماعية وحتى إحنا أصبحنا ماشى فاهمين أيه اللى بيحصل البنات تطلع على الإنترنت بملابس غريبه وغير محتشمة والأهل لا حياة لمن تنادي والغريب أن بعض الأسر موافقين على الافعال ديها السؤال اللى دائما يدور فى عقلنا احنا رايحين فين بالظبط إحنا لى متى حياتنا تبقى بشكل ده أنا على فكرة ماشى معترضة على تقدم محتوى لكن ايه هو المحتوى يعنى واحدة بتنضف بيتها أيه المحتوى فى كده واحدة بتحضير أكل لأسرتها وتنظيف البيت أيه الغريب والمفيد فى كده بنت بتسمع اغنيه وقاعدة فى بيتها أيه المحتوى فى كده احنا حتى اطفالنا أصبح سلعة يظهرون فى الفيديو لكسب المال يا جماعة إحنا وكل ما المال ليزيد يزيد معه تنازلات البيوت المصرى طول العمر هى من أعرق البيوت العربية إحنا اولاد اصول ودين عندنا الأزهر الشريف منبر الحق والعدل وعند قيم ومبادئ يا ريت كل أب وأم يركز على بيته وعلى أولاده حتى العلاقة بين الزوجين تظهر فى فيديوهات الانترنت مجانا ليه إحنا مالنا بحياتك انت والمدام يا جماعه إحنا بنعمل حاجات كتير تدعو إلى الضحك والدهشة انا بفتح النت بستغرب ازى أصبحنا كده وفى النهاية نقول ربنا يرحمنا برحمته الواسعة
السلام عليكم ورحمة الله وبركاته
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة