.jpg)
ونسني ب حسك ونسني
حسسني وجودك حسسني
من غيرك قلبي يخاصمني
ويفوتني حبيبي وتوحشني
طمني ب قربك طمني
سمعني كلامك سمعني
أنغام في وداني بتشبعني
و بتنعش قلبي وتشجيني
من غيرك بقي يسعد عيني
و ياخد حسي و يحيني
ونسني في قربك ونسني
مشتاقه لحضنك يسعدني
و بلاش تهجرني وترميني
لأموت من بعدك ياحبيبي
ريحني الله يريح قلبك
و أسقيني م الحب أسقيني
ليه عايز تمشي وتنساني
و تخلي هجرك يكويني
علي عيني كان علي عيني
تبعد و تفوتني يا نور عيني
دانا عشت معاك أحلي ليالي
وحلمت معاك أغلي أماني
ليه بعد ده كله بتجرحني
تدبحني و تبقي انت الجاني
وتفوتني لوحدي ياأناني
ماأنا ياما صبرت علي حالي
خليك طب بس المره دي
وطاوعني ونفذ لي كلامي
وانا هعمل كل ما تتمني
وهأضحي بعمري أنا وروحي
وعشانك عمري ما هستني
وهخليك تفرح بي ليلاتي
وتحس أنك دايما في الجنه
وانا ملك أيديك ياحياتي
بس انت سامحني المره ده
وتعالي نعيش أحلي اوقاتي
وندوب ب الحب آهاتي
وتغير مجري حياتك وحياتي
ونسني ب حسك ونسني
و ب أجمل أحساس ألمسني
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة