تحيا مصر
باللي فيها من مهازل
باللي فاهم و الجرادل
باللي طالع فيها واكل
و اللي نازل فيها واكل
بالمقاول و اللي ناوِل
باللي يهدم بالمعاوِل
بالصنايعي و اللي عامل
باللي بَنَّا و المِناوِل
باللي حاول مهما حاول
و اللي قالوا عليه ده فاشِل
باللي قضى يومُه شايل
ألف طوبة ف ألف قصر
و الأصيلة ام الجمايل
تعصُرُه م الحَوجة عَصر
بِلِّي ريقي بِمَيَّة دافية
لجل اقولِك تحيا مصر .
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة