فكرتك مش هتعرف
انا مين انا مين انا مين يا حنين يا امين
ياللى البعد عنك فى القلب سكاكين
انتى اللى باقية ليا فى الدنيا يا هنية
وانتى روحى وعنيه وانتى القلب الحنون
فكرتك مش هتعرف او من يدى هتقرف
علشان كنت بنظف وطبيخ اليوم بثوم
دا علاجى ودوايا وانتى عارفة الحكاية
عليه دائما افتر لو حتى بعد صوم
انا خايفة تموت قبلى واتوه لما تسيبنى
ومنايا يكون يومى قبلك ولقبرى تبنى
وتموتى وتسبينى للحزن يعمى عينى
وانتى يدى ورجلى وانتى اللى بتواسينى
لا تسيبنى ولا اسيبك واطلبها من حبيبك
يجعلها صحبة واحدة ويومى يكون يومك
انا مين انا مين انا مين يا حنين يا امين
ياللى البعد عنك فى القلب سكاكين
يبقى انتى ام الولاد اللى غاوية العناد
ومش عايزه تسيبينى حتى بعد الممات
وانتى اللى باقية ليا فى الدنيا يا هنية
وانتى روحى وعنيه وانتى القلب الحنون
.jpg)
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة