.jpg)
مجبورة رحت وماكسرتلهم راي
وبگلبي قصة شوك بس خجلانة
نفس الطريق الجنة بس انا وياك
كمت امشي اشتم الدرب واركانة
ريتك ترد يمحمد تشوف الظيم
وردة حياتي مصوفرة وذبلانة
يمحمد انا وياك ندين بروح
صدكني من يوم الرحت سهرانة
لا نمت ليلي ولا چفن يرضى يهيد
والروح من يوم الرحت تعبانة
شحسبالك العشرة بعتها وماريد
طبع الغدر مو بية لا مو أنا
مو تعرف حبيبتك يهزها الشوك
خليتك بگلبي وصرت عنوانة
مو للرفاعي جروحي وصلت للصين
مشتاكة حيل لشوفتك عطشانة
معقولة كل هذا العشك نصفى اغراب
والقدر نبعد عن بعض خلانة
ممصدكة نعبد انتة وانا بفد يوم
وصرفن علينة الوكت حتى اردانة
ظكت الأمرين بغياب اغلى انسان
مر القبول بغيرة ويهجرانة
هدت علية الدنية من كل أكتار
والزمن بس وياي هز فنجانة
مر بية سچة بريل واقرة المكتوب
تلگة الحزن شرع علي بيبانة
ماصافنة بيوم واخذتلهم راي
شو هسة انام واكعد وسرحانة
مرات اشوفك يمي وافرح واشتاك
بس للاسف اني طلعت حلمانة
والگلب من يوم الرحت مدري شبي
مايكدر يقاوم تلف شريانة ................ بقلمي الكنعاني
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة