فليخرج الحراس
ما عدش فيه فى الراس
غير حبة خرافة مع هلوسة وسواس
فليخرج الأنجاس
فوق قمة المشهد
الميضة راحت عليها تجديد فى صورة هد
مبقاش داخلنا بجد
لا خشوع ولا شعره توحد حد
ما أقبح الإنسان بلا ماركة ولا عنوان
ما أقبح الرتبة بلا إنسان
يا واكل وشارب ورغم دا هارب
بتحصى بالمليم أحصى كده نفسك
عد كام نفسك
فليخرج الحراس
مبقاش خلاص فى الراس
غير خطة مسمومة لفكره محمومة
فـ ضمير منداس
على إيه حتترصوا
ما الحال قريت نصه
مضروب اهو فـ نصه
من ساعة العميان ما اقسموا بصوا
والشوافين خايفين ومهيفين ومهوفين
والحس أصبح نار للى بيحسوا
صب لى واتوصى
خلينا ننسوا
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة