=====
إلا همسك إلا لمسك
كل لحظه اعيشهاجنبك
تبقى احلى م الخيال
ايه حكايتك هو سحرك
والا حنيه فى قلبك
خلى بُعدى شىء محال
إنتى شمعه وإنتى نور
إنتى سر بألف سور
لما باحلم بيكى قلبى
يسألنى سؤال انتى مين
إنتى جنبى والا جنبك
عمرى هايفوت والسنين
------------
والا على رأى اللى قال
قلبى مال واللى مال
ذنبه شوق فرقه وحنين
والا حافرح
والا قلبى يعيش حزين
إنتى مين
انتى همسه والا لمسه
والا قلب ملان انين
----------
إنتى أجمل إبتسامه
إنتى للعاشقين علامه
انتى سكة السلامه
انتى مهما قلبى قال
لوسأل مليون سؤال
انتى مين
انتى مين
إنتى مصر
ام كل الدنيا مصر
ست كل ناريخ وعصر
-------
-لما اهلك غربوكى
لما إبنك ضر ابوكى
والزوانى دربوكى
تِبقى بلياتشو الزمان
عا اللى كان واللى بان
اه ياغنيوة زمان
غربوا قيكى الامان
والحنان سلموه
والصولجان للى خان
اللى ماله ف يوم امان
نام وبرطع كا الحيتان
وقف الزمان ضاع الامان
----
لما قولنا نزوقوكى
من كل غالى نشوروكى
َزفِتِك من دار ابوكى
ليه عيالك وسط فرحك
بكل غدر بيضربوكى
لطشوا فيكى الزواق
خلوا قلب الحق فاق
غرقوكى فى الرياء
------
كل دا ولسه إنتى عايشه
لسه إنتى يامصر حايشه
عننا غدر الزمان
اه يا غنيوة زمان
اه ياولاده ياغاليه
اه ياوداده ياعاليه
ساكنه لسه عيونى ماليه
كل قلبى حنين وحب
-----
ضيعوا مهرك ياغاليه
اللى صايع واللى ضايع
واللى بليه
والى عايش للمزاج
ودماغه عاليه
واللى باع عرضه وعياله
عشان وقيه
--------
طالبه نزود جهدنا
نربط حزام
إن كان علينا كلنا
يبقى تمام
مش حبه تهبر الحلل
وإحنا نلحس الإدام
مايكونش رزقك دا
م الحرام
يا العباده والصلاه
يا الصيام
--------
إدخلوا مصرياعالم آمنين
طب لما تيجو تقابلوا مين
اللى بيهبش م الشمال
واللى بينهش م اليمين
عا البلطجى فالوا شهيد
واللى باع اهل الصعيد
عملوه شهيد
مزعوا التوب الجديد
هات لى حد النهارده
يكون سعيد
------
حفنه بكرامه واللى باقى
م الِلِمامه
بالإسم يامه مرمغوا
شرف العِمامه
كسروا كل الشوارع
وقالوا غاز
وف ليلة راس السنه
قتلوا عُزاز
واللى خاين نعمتك
هو اللى فاز
واللى ستَّر عورتك
حرقوه بجاز
------
لسه نور الفجر باين
لسه فيه ورد الجناين
قوم ياقلبى شوف وعاين
الربيع و الفرح جى
ايوه جى ومعاه املنا
نبدر الحب لعيالنا
يجنوا همَ نجاح عملنا
من صميم الضلمه ضى
-----
عاللى بان واللى كان
اه ياحلم حقيقى بان
اه ياغنيوة زمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة