*****
قَصرِك تعَمَر داخِل ضلوعي
تا تُسكني وقَلبِك معي يِرتاح
فُتي عَصَدري ضَوَت شموعي
فوق السما نِطلَع نرُف جناح
لما زعِلِت مَسَحتي بِدموعي
راح الزَعَل وتماثَلَت لِجراح
انت ضويتي مُعظَم شموعي
لحتى ليلي صار كُله صَباح
مأحلى جَمالِك راوي لَجذوعي
بُلبُل بظلُ عالغُصن صَداح
ديما لحبِك رِجِع مَرجوعي
عا مَنبَر التاريخ شو وضاح
وقت الحَرِب بَلبِس من دروعي
وقت السِلِم صار القَلِب مُفتاح
...بقلمي..ياسين مصطفى بكري...
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة