أنا كنت زمان .. ياسلام
انا كانت كل أموري تمام
مفطوم ع العِز و متربي
وباحافظ على نعمة ربي
وبادُق على الدنيا بقلبي
ومصاحب معظم الايام
أنا كنت زمان.. ياسلام
انا كانت كل أموري تمام
طول عمري حنين و رومانسي
وباقوم لليل امّا يمسي
أمسك ف أيديه واسحب كرسي
و نقضي الليل ف حديت وكلام
ده انا كنت زمان .. ياسلام
انا كانت كل أموري تمام
وصاحبت الليل امّا يطوّل
و الفجر بييجي ويتحنجل
ولا قلنا عليه ولا بنأول
ولا بينا زعل ولا بينا خصام
ده كنت زمان.. ياسلام
انا كانت كل أموري تمام
طب ليه يا قلوبنا بنتحوّل
طب ليه بنحب من الأوّل
ا،ن كان ع الصبر بنتحمّل
و العمر سنينه تمر قوام
ده كنت زمان.. ياسلام
انا كانت كل أموري تمام.
شعر ..
حسام بخيت
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة