مش آي حد تعرفه يبقي صديق
ولا كل تعرفه يبقي رفيق
ماهي المعادن فيها ماس أو حديد
و لا كل واحد يبتسم يبقي سعيد
فيه اللي يخبي دمعته وحزنه شديد
صاحبك اكيد تعرفه وقت ضيق
ويخاف عليك م الالم ويحس بيك
من غير ماتطلب يسبقك و يخاف عليك
وقت الشدائد يلحقك أيده بأيديك
ولا يوم يفوتك للغرق وروحه فيك
مش آي حد نعرفه يبقي صديق
ولا كل لبس بتلبسه يليق عليك
فيه اللي حتما يشبهك وكأنه أخوك
والكل حتما يحسدك من حبه فيك
ويحاولوا حتي يفرقوا بينك وبينه
وان قالوا عنك شئ غريب يرد غيبك
زي الدهب طبعه الاصيل كأنه منك
مش آيه حد نعرفه يبقي صديق
ولا آيه حد نعرفه يبقي حبيب
ده فيه قلوب ع كل لون مالها عزيز
وتبيع ف لمح البصر بتمن رخيص
لو حتي كان معدنك حتي نفيس
وأحذر قوي م الصديق لو خسيس
وراعي تبعد كل شئ عنه عزيز
واياك تفضفض يوم معاه ف وقت ضيق
وأمسك لسانك م الزلل خليك حريص
مش آي حد تعرفه يبقي صديق
ولا أي جرح بنجرحه ممكن يطيب
وأقضي حاجتك ف الخفاء م الطريق
تسلم يارب م الرضي و من كل ضيق
كلمات الاديب الشاعر السيد علي القن
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة