منيش رقم ولا عدد
فى الصورة
أنا إنسان
مشاعرى محشورة
خايف ابوح
والنفس مكسورة
من اللى خان وباع
الود والمحبة
نسيى الماضى
قال هيتخبى
ياعمر ضايع
والصورة مهزوزه
من اسوة الأيام
حسابها كان كام
وخسرت أجمل صورة
صورة الضمير الحى
بينادى فى الحى
احيى الأمل
فى بكرة
جيى
يرسم صورة معدوله
للطيبة والعشرة
وأبقى منيش رقم
فى صورة
تحكى حكاية بطل
بيطل بصورة معدوله
مفيهاش خدوش ولا رتوش
بتحكى حياة
اجمل من الصورة
يسمعها قلب حبيب
ويكتبها للعاشقين
تبقى أجمل صورة
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة