عم أرسمك ترسيم
حدود حبك
بهل فوضى
رسمتها
بعد طول سنين
وأخد ورد
وما كنت
أعرف حدها
هل يا ترى
الترسيم بيحد
من الفوضى
وبيحل الأمر
بعرف اذا
ما حطينا
حدود
للحلم الغريب
لا رسم ولا ترسيم
بينفع ما
بيني وبينك
لح تضل الفوضى
ببيوتنا عامرة
اذا ما حطينا
النقاط
على الحروف
وعرفنا نقرأ
أبجدية لغتنا
ما منودع الخريف
ومنستقبل ربيع
لح تضل حجار
أرضنا وعرة
توجّع قلوبنا
بقلم ريما خالد حلواني
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة